მასპინძლობის ხერხები

თანამასპინძელი ეხმარება განცხადების მფლობელს საცხოვრებლის, მომსახურების ან შთაბეჭდილების შეთავაზების, ასევე, სტუმრებზე ზრუნვის საკითხებში. ის, როგორც წესი, ოჯახის წევრი, სანდო მეგობარი ან დაქირავებული პირია.

თანამასპინძელი ეხმარება ძირითად მასპინძელს საცხოვრებლის მოწესრიგებაში, სტუმრების მიღებაში ან ორივე აღნიშნულ საკითხში. თანამასპინძლები წინასწარ უთანხმებენ განცხადების მფლობელს, რა მოცულობის სამუშაოს შეასრულებენ.

განცხადებას შეგიძლიათ დაამატოთ 10‑მდე თანამასპინძელი — ნათესავები, მეგობრები, მეზობლები ან ნდობით აღჭურვილი სხვა პირები, რომლებიც, მაგალითად, ორგანიზაციულ საკითხებში დასახმარებლად დაიქირავეთ.

საჭიროებისამებრ, შეგიძლიათ თანამასპინძლის წაშლა საცხოვრებლის, მომსახურების ან შთაბეჭდილების შესახებ განთავსებული განცხადებიდან. წაშლის შემდეგ ის ვეღარ შეძლებს თქვენი განცხადების ჩასწორებას და ვერც ჯავშნებისა თუ შეტყობინებების მართვას.

სურვილისამებრ, შეგიძლიათ საკუთარი თავის წაშლა თანამასპინძლების სიიდან საცხოვრებლის, მომსახურების ან შთაბეჭდილების შესახებ განთავსებულ განცხადებაში. წაშლის შემდეგ განცხადებაზე წვდომა აღარ გექნებათ.

ძირითადი მასპინძელი, როგორც წესი, გულისხმობს ადამიანს, რომელსაც სხვებზე ინტენსიურად აქვს ურთიერთობა ჯავშანში მითითებულ სტუმრებთან. ის შეიძლება იყოს განცხადების მფლობელი, თანამასპინძელი ან მასპინძელთა გუნდის წევრი.

საცხოვრებლის მასპინძელსა და ყველა თანამასპინძელს შეუძლია ერთმანეთთან მიმოწერა Airbnb‑ს მეშვეობით.

სრული წვდომის მქონე თანამასპინძელს გარკვეულწილად შეუძლია თქვენი დახმარება ამ კუთხით (მასპინძელთა ზარალისგან დაცვის ფარგლებში მასპინძლის მიერ ინიციირებული ანაზღაურების მოთხოვნის მართვის ჩათვლით).

მასპინძლები და თანამასპინძლები ერთობლივად ზრუნავენ სტუმრებისთვის დაუვიწყარი შთაბეჭდილებების ჩუქებაზე — გაეცანით რჩევებს საიმედოობასთან, კომუნიკაციასა და კეთილსინდისიერებასთან დაკავშირებით.

მასპინძელთა გუნდი, როგორც წესი, არის კომპანია ან ადამიანთა ჯგუფი, რომელთანაც განცხადების მფლობელს გაფორმებული აქვს იურიდიული ხელშეკრულება. თანამასპინძელი, ხშირ შემთხვევაში, ნაკლებად ოფიციალური პირია — მაგალითად, განცხადების მფლობელის მეგობარი, ოჯახის წევრი ან ნდობით აღჭურვილი სხვა პიროვნება.

თანამასპინძელთა ქსელი ხელმისაწვდომია მსოფლიოს ზოგიერთ ქვეყანაში, იმ მასპინძლებისთვის (ან მასპინძლობის მსურველთათვის), რომლებსაც დახმარება სჭირდებათ.

თქვენს, როგორც თანამასპინძლის, პროფილში მითითებული გექნებათ ინფორმაცია, რომელიც დაკავშირებულია როგორც თქვენთან, ისე პოტენციური მასპინძლებისთვის თქვენ მიერ შეთავაზებულ მომსახურებებსა და მათ ფასებთან.

თანამასპინძელთა ქსელში ჩასართავად თანამასპინძლებს Airbnb‑ზე კარგი ისტორია უნდა ჰქონდეთ, ხოლო ძიების შედეგებში მოსახვედრად მნიშვნელოვანია მაღალი შეფასებისა და გამოხმაურების სიხშირის შენარჩუნება.

თანამასპინძელთა ქსელში გასაწევრიანებლად საჭირო ინფორმაციის წარმოდგენის შემდეგ Airbnb‑სგან ავტომატურად მიიღებთ ელწერილს მომდევნო ნაბიჯებთან დაკავშირებით.

თუ თანამასპინძლის დამატებაზე ფიქრობთ, შესაძლოა, სტუმარ‑მასპინძლობის სფეროში ჩახედულ კანდიდატებთან დაკავშირება შეძლოთ თქვენს რეგიონში.

თანამასპინძელთა ქსელში წარმოდგენილია გარკვეული ინფორმაცია თანამასპინძლების შესახებ (მაგალითად, სტუმრებისგან მიღებული შეფასება იმ საცხოვრებლებისთვის, რომლებთანაც მათ შეხება აქვთ). ამასთან, მასპინძლებმა თავიანთი საჭიროებების შესაბამისი თანამასპინძლები რომ იპოვონ, გამოიყენება საძიებო ალგორითმი.

გაეცანით თანამასპინძელთა ქსელის გამოყენების დამატებით პირობებს.

თანამასპინძელთა ქსელი იყენებს სპეციალურ ალგორითმს იმ თანამასპინძლების საპოვნელად, რომელთაც ამა თუ იმ მასპინძლისთვის საჭირო ამოცანების შესრულება შეუძლიათ.

თუ ხართ მასპინძელი ან თანამასპინძელი, რომელმაც თანამასპინძელთა ქსელში ჩასართავად განაცხადი წარმოადგინა, მაგრამ თქვენი პროფილი ძიების შედეგებში არ ხვდება, ამის რამდენიმე მიზეზი შეიძლება არსებობდეს.

თანამასპინძელთა ქსელში წარმოდგენილი თითოეული თანამასპინძლისთვის მითითებულია სტუმრებისგან მიღებული საშუალო შეფასება, მიმოხილვები და სხვა ინფორმაცია, რომელიც ეფუძნება იმ საცხოვრებლებს, რომლებთანაც შეხება ჰქონდა აღნიშნულ პირს მასპინძლის ან თანამასპინძლის სტატუსით.

თუ რაიმე მიზეზით აღარ გსურთ თანამასპინძელთა ქსელში ყოფნა, დაგვიკავშირდით, თქვენი პროფილის დამალვაში ან წაშლაში რომ დაგეხმაროთ.

თუ კვარტალური შეფასების თარიღისთვის სუპერმასპინძლობის პროგრამის მოთხოვნებს დააკმაყოფილებთ, სუპერმასპინძლის სტატუსი ავტომატურად მოგენიჭებათ — განაცხადის წინასწარ წარმოდგენა საჭირო არ არის.

თუ გაინტერესებთ, რამდენად აკმაყოფილებთ სუპერმასპინძლობის თითოეულ კრიტერიუმს, გადადით სამასპინძლო პანელზე.

მაღალი სტანდარტების შესანარჩუნებლად რამდენიმე თვეში ერთხელ ვამოწმებთ, კვლავ აკმაყოფილებენ თუ არა სუპერმასპინძლები პროგრამის კრიტერიუმებს.

მასპინძელთა გუნდი შეიძლება იყოს როგორც კომპანია, ისე ადამიანების ჯგუფი, რომელიც მფლობელისა თუ მოიჯარის სახელით მართავს საცხოვრებლის გრძელი ან მოკლე ვადით გაქირავების პროცესს.

Airbnb გუნდებს ერთად მასპინძლობის შესაძლებლობას აძლევს. გუნდის ანგარიშის მფლობელს შეუძლია როგორც გუნდის წევრების არჩევა, ისე ხელსაწყოებსა და ფუნქციებზე მათთვის წვდომის მინიჭება.

ანგარიშის მფლობელისგან მიიღებთ ელწერილს ბმულით, რომელზე გადასვლითაც მის გუნდში გაწევრიანდებით. ანგარიშის მფლობელი განსაზღვრავს, ანგარიშთან დაკავშირებით რა ნებართვები გექნებათ.

მასპინძელთა გუნდი, როგორც წესი, არის კომპანია ან ადამიანთა ჯგუფი, რომელთანაც განცხადების მფლობელს გაფორმებული აქვს იურიდიული ხელშეკრულება. თანამასპინძელი, ხშირ შემთხვევაში, ნაკლებად ოფიციალური პირია — მაგალითად, განცხადების მფლობელის მეგობარი, ოჯახის წევრი ან ნდობით აღჭურვილი სხვა პიროვნება.

თუ გუნდის მფლობელი Airbnb‑ზე განთავსებულ განცხადებებს მართავს ობიექტების მართვის პროგრამული უზრუნველყოფის დახმარებით, ამავე პროგრამული უზრუნველყოფის გამოყენება შესაძლებელია მასპინძელთა გუნდის მიერ შექმნილი განცხადებების სამართავად.

წვდომის გასაუქმებლად გადადით თქვენს განცხადებაზე. ამის შემდეგ მას აღარ ექნება წვდომა Airbnb‑ზე განთავსებულ განცხადებაზე.