Kif tuża u tgħarraf lill-klijenti b'kameras tas-sigurtà, tagħmir tar-reġistrazzjoni, kejjiela f'deċibel għall-ħsejjes u tagħmir tad-dar intelliġenti

Ma naċċettawx li l-hosts ikollhom kameras tas-sigurtà jew tagħmir li jirreġistra li jagħti fuq spazji fuq ġewwa tal-postijiet fejn toqgħod, anki jekk dak it-tagħmir ikun mitfi. Qatt ma aċċettajna kameras moħbija u mhux se naċċettawhom. Il-hosts jistgħu jkollhom kameras tas-sigurtà fuq barra, kejjiela f'deċibel tal-ħsejjes u tagħmir intelliġenti fil-postijiet fejn toqgħod sakemm dawn ikunu skont il-linji gwida t'hawn taħt u l-liġijiet li obbligati jimxu magħhom.

Dar-regoli daħlu fis-seħħ nhar it-30 ta' April 2024.

Kameras tas-sigurtà u tagħmir tar-reġistrazzjoni

• B'kameras tas-sigurtà u b'tagħmir tar-reġistrazzjoni nifhmu kull tagħmir li jirreġistra u jibgħat il-filmati, l-istampi jew il-ħsejjes bħal, ngħidu aħna, monitor tat-trabi jew kamera ta' mal-qanpiena tal-bieb.
• Bl-ebda mod ma naċċettaw kameras tas-sigurtà moħbija.
• Il-hosts ma jistgħux ikollhom kameras tas-sigurtà u tagħmir tar-reġistrazzjoni li jgħasses fuq xi parti min-naħa ta' ġewwa tal-postijiet fejn toqgħod bħal, ngħidu aħna, kurituri, kmamar tas-sodda, salotti jew post għall-mistednin, lanqas jekk ikunu mitfija jew maqlugħin. Dan jgħodd ukoll għaż-żoni komuni u l-ispazji maqsuma ta' listings ta' kamra privata (bħal, ngħidu aħna, salott).
  • Fil-każ ta' ċerti postijiet fejn toqgħod ġewwa l-Ġappun li għandhom Liċenzja ta' Negozju ta' Lukanda, il-hosts jafu jkunu obbligati bil-liġi li jkollhom kamera li tgħasses id-daħla tal-post fejn toqgħod biss. Іl‐klіјеntі għаndhоm јіġu mgħаrrfа b'dаwk іl‐kаmеrаѕ u l‐kаmеrаѕ m'għаndhоm јgħаѕѕu fuq l‐еbdа раrtі tаl‐іѕраzјі ħlіеf іd‐dаħlа․ Dаwn іl‐kаmеrаѕ m'għаndhоm јіrrеġіѕtrаw l‐еbdа ħоѕѕ.
• Il-hosts ma jistgħux iqiegħdu kameras tas-sigurtà u tagħmir tar-reġistrazzjoni li jgħassu fuq żoni fuq barra l-post fejn toqgħod bħal, ngħidu aħna, fuq ġewwa ta' doċċa fuq barra magħluqa jew f'sawna, fejn il-klijenti jistennew privatezza ikbar.
• Il-hosts jista' jkollhom kameras tas-sigurtà u tagħmir tar-reġistrazzjoni li jgħassu fuq barra sakemm il-klijenti jkunu mgħarrfa bihom fid-deskrizzjoni tal-listing (eż.: "Għandi kamera li tagħti fuq il-parapett", "Għandi kamera li tagħti fuq it-terrazzin", "Għandi kamera li tagħti fuq il-pixxina" jew "Għandi kamera mal-qanpiena tal-bieb li qed tgħasses il-bieb ta' barra u l-kuritur tad-daħla tal-blokka fejn noqgħod").
• Il-hosts tal-postijiet fejn toqgħod meħtieġa jgħarrfu lill-klijenti bil-kameras tas-sigurtà u t-tagħmir tar-reġistrazzjoni fuq barra li jinsabu fil-kontroll tagħhom bħal, ngħidu aħna, kamera tas-sigurtà fid-daħla ta' binja tal-appartamenti jew kamera li tagħti fuq il-bitħa tagħhom.

Kejjiela f'deċibel għall-ħsejjes

• Il-kejjiela f'deċibel għall-ħsejjes huma tagħmir li jkejjel il-livell tal-ħoss u t-tul ta' ħin tal-ħoss mingħajr ma jirreġistra l-ħsejjes.
• Sakemm il-hosts jgħarrfu lill-klijenti bihom u ma jkunux f'kamra tas-sodda, kamra tal-banju jew żona fejn jorqdu n-nies, il-hosts tal-post fejn toqgħod jistgħu jkollhom kejjiela f'deċibel tal-ħsejjes fil-post fejn toqgħod. Il-hosts mhux meħtieġa jgħarrfu lill-klijenti b'fejn jinsabu l-kejjiela f'deċibel għall-ħsejjes.

Tagħmir tad-dar intelliġenti

• It-tagħmir tad-dar intelliġenti huwa tagħmir, bħal Alexa ta' Amazon u Nest ta' Google, li jaqbad u jikkomunika ma' tagħmir u netwerks oħra.
• Il-hosts tal-postijiet fejn toqgħod jistgħu jkollhom tagħmir tad-dar intelliġenti fil-post.
• Inħeġġu lill-hosts tal-postijiet fejn toqgħod biex, anki jekk mhux obbligati jagħmlu hekk, jgħarrfu lill-klijenti bit-tagħmir tad-dar intelliġenti li hemm fil-listings tagħhom. Inħeġġu lill-hosts jagħtu lill-klijenti l-għażla li jaqilgħu jew jitfu t-tagħmir intelliġenti.

Għarraf lill-klijenti bil-kameras tas-sigurtà jew it-tagħmir li jirrekordja xi jkun qed iseħħ fil-post

Għarraf lill-klijenti bil-kejjiela f'deċibel għall-ħsejjes li hemm fil-post tiegħek