Tafuta sera za kughairi zinazoweza kubadilika zaidi

Uwezo wa kubadilika ni muhimu unapotafuta mahali pa kukaa. Wenyeji wa Airbnb hupata hiyo, ndiyo sababu wengi wao wanaruhusu muda mwingi wa kughairi nafasi uliyoweka ili urejeshewe fedha zote ikiwa jambo litatokea.

Chuja kulingana na maeneo yanayoweza kurejeshewa fedha

Tumia vichujio vya utafutaji ili kupata nyumba zilizo na sera za kughairi zinazoweza kubadilika zaidi, ikiwemo machaguo ya kurejeshewa fedha zote, hata kwa ughairi uliofanywa karibu na tarehe yako ya kuondoka. Hivi ndivyo:

1. Weka mahali unakoenda na tarehe za kusafiri kwenye upau wa utafutaji
2. Chagua Vichujio
3. Chagua kichujio cha kughairi Bila Malipo ili kupata maeneo ambayo yanatoa marejesho kamili ya fedha ikiwa unahitaji kughairi

Aina za sera za kughairi bila malipo

Kuna machaguo tofauti ambayo mwenyeji anaweza kutoa kwa ajili ya kurejesha fedha zote. Haya ni pamoja na:

• Kughairi bila malipo kwa siku 1: Utarejeshewa fedha zote ikiwa utaghairi angalau saa 24 kabla ya kuingia
• Kughairi bila malipo kwa siku 5: Utarejeshewa fedha zote ikiwa utaghairi angalau siku 5 kabla ya kuingia

Angalia sera mahususi ya kughairi ili uelewe sheria na masharti.

Machaguo ya kuongeza muda wa kughairi nafasi uliyoweka bila malipo

Uwezo wa kubadilika ni jambo muhimu wakati wa kuchagua mahali pa kukaa. Chaguo la kughairi lililopanuliwa linakuruhusu kupanua kipindi cha kughairi bila malipo hadi saa 24 kabla ya kuingia kwa gharama ya ziada. Hii inamaanisha kwamba maadamu unaghairi angalau saa 24 kabla ya kuingia, utarejeshewa fedha zote, ikiwemo gharama ya ziada ya kughairi kwa muda mrefu, hata kama sera ya kughairi ya tangazo haitoi hiyo.

Kumbuka: Si matangazo yote yatakuwa na chaguo la kughairi lililopanuliwa. Ni chaguo la mwenyeji kutoa chaguo hili na linapatikana tu kwenye matangazo fulani yenye sera ya kughairi ya wastani, yenye masharti, thabiti au kali.