Hver getur verið með aðgang að Airbnb

Traust er undirstaða samfélags okkar á Airbnb. Markmið okkar er að allir geti treyst því að gestir og gestgjafar séu þeir sem þeir segjast vera og að allir virði samfélagsviðmið Airbnb.

Það er ástæða þess að við förum fram á að þú staðfestir auðkenni þitt þegar þú gengur frá bókun eða birtir skráningu. Við grípum auk þess til ákveðinna ráðstafana í öryggisskyni og til að tryggja að notendur hafi náð lögaldri.

Til að auka öryggi enn frekar gætum við gert bakgrunnsathugun á notendum sem eru staðsettir í Bandaríkjunum, gestgjöfum á Indlandi og þjónustugestgjöfum í tilteknum löndum.

Þú getur ekki verið með aðgang að Airbnb ef:

• Þú auðkennir þig ranglega: Aðgangar ættu að hafa réttar upplýsingar um aðgangshafa ásamt myndum eða gögnum sem hægt er að rekja til þess einstaklings.
• Þú ert undir lögaldri: Einstaklingum yngri en 18 ára er óheimilt að stofna aðgang að Airbnb, sinna gestaumsjón eða ganga frá bókun. Einstaklingar undir lögaldri sem taka þátt í dvöl eða þjónustu eða upplifun verða að vera í fylgd með fullorðnum.
• Þú tengist hættulegum samtökum: Einstaklingum tengdum öfgahópum, haturshópum og skipulögðum glæpahópum er óheimilt að hafa aðgang að Airbnb.