Uppfærðu húsreglur þínar til að láta vita hvaða þjónustu þú heimilar

Ótrúlegt úrval þjónustu Airbnb gerir ferðir gesta enn betri. Þú getur notið dekurmeðferða, nudds eða ljósmyndaþjónustu jafnt frá heimili þínu og aðstöðu þjónustugestgjafans sem og í atvinnu- eða almenningsrými. Þjónustugestgjafar eru reynslumiklir, njóta verndar ábyrgðartryggingar upplifana og þjónustu og hafa staðfest auðkenni sitt. 

Sem heimilisgestgjafi getur þú valið hvaða þjónustu þú leyfir að fari fram á heimili þínu. Þegar þú hefur komist að niðurstöðu skaltu hafa samband við okkur þannig að við getum uppfært húsreglur þínar í samræmi við það svo að gestir viti hvaða þjónustu þú leyfir.

Að leyfa þjónustu inni á heimilinu

Það er undir þér komið hvaða þjónustu þú leyfir inni á heimili þínu. Tegundir þjónustu eru meðal annars:

• Kokkar: Máltíðir sem hægt er að sérsníða eftir smekk, framreiddar af matreiðslumeisturum beint á heimilinu
• Ljósmyndun: Sérsniðnar myndatökur hjá reyndum ljósmyndurum
• Veitingaþjónusta: Alhliða veitingaþjónusta með sérsniðnum matseðlum, skreytingum og útbúnaði ásamt uppsetningu og þrifum
• Einkaþjálfun: Jóga, styrktarþjálfun, HIIT og fleira með einkaþjálfurum, þar á meðal þekktu líkamsræktarfólki og heimsmeisturum í íþróttum
• Nudd: Endurnærandi nudd, þar á meðal sænskt nudd, djúpvefjanudd og svæðanudd frá reyndum nuddurum
• Dekurmeðferðir: Andlitsmeðferðir, húðslípun, líkamsskrúbb og aðrar meðferðir hjá snyrtifræðingum
• Hár: Faglegar klippingar, blástur og fleira frá reyndum hársnyrtum
• Förðun: Förðun fyrir hversdaginn sem og sérstök tilefni hjá förðunarfræðingum
• Naglasnyrting: Hand- og fótsnyrting frá reyndum naglasérfræðingum

Ef þú vilt ekki leyfa einhverja þjónustu inni á heimili þínu skaltu hafa samband við okkur til að þjónustufulltrúi okkar geti aðstoðað þig við að uppfæra húsreglurnar.

Ef þú vilt ekki leyfa neina þjónustu inni á heimilinu

Hafðu samband við okkur ef þú vilt láta gesti vita af því að þú leyfir ekki tiltekna þjónustu inni á heimilinu þannig að þjónustufulltrúi okkar geti aðstoðað þig við að uppfæra húsreglurnar.

Athugaðu: Tilbúnar máltíðir (tilbúnir réttir sem kokkar útbúa) eru leyfðar í öllum heimilisskráningum þar sem maturinn eru sendur heim að dyrum og þjónustan þarf ekki að fara fram inni á heimili þínu.