Izinto ezicetyiswayo ziza kubonakala emva kokubhala kwindawo yokukhangela. Sebenzisa iaro enyukayo nehlayo ukuze uwahlole. Sebenzisa iqhosha elingu-enter ukuze uyikhethe. Ukuba ukhethe amabinzana, loo mabinzana ngawo aza kukhangelwa. Ukuba ucetyiswa ngelinki, ibhrawza iza kuya kwelo phepha.
Ipolisi yentsapho

Ukusetyenziswa nokuchazwa kweekhamera, izixhobo zokurekhoda, izixhobo ezijonga izinga lengxolo nezixhobo zeteknoloji zokulawula ikhaya kwiindawo

Asibavumeli ababuki zindwendwe ukuba babe neekhamera okanye izixhobo zokurekhoda ezijonga iindawo ezingaphakathi, nokuba ezi zixhobo zicinyiwe. Iikhamera ezifihliweyo bezisoloko zingavumelekanga ibe ziza kuqhubeka zingavumelekanga.  Ababuki Zindwendwe bavumelekile ukuba babe neekhamera zangaphandle, izixhobo ezijonge izinga lengxolo nezixhobo zeteknoloji zokulawula ikhaya logama nje zihambisana nezi zikhokelo zingezantsi nale mithetho ebekiweyo.

Le mithetho iqalise ukusebenza nge-30 ka-Aprili, 2024.

Iikhamera nezixhobo zokurekhoda

  • Iikhamera nezixhobo zokurekhoda zizo naziphi na izixhobo ezirekhoda okanye ezibonisa ividiyo, iifoto, okanye ezidlala isandi njengekhamera yosana, okanye ikhamera yentsimbi yomnyango.
  • Iikhamera zokhuseleko ezifihlakeleyo azivumelekanga.
  • Ababuki Zindwendwe abavumelekanga ukuba neekhamera nezixhobo zokurekhoda ezijonga nayiphi na indawo engaphakathi endlini, njengepaseji, igumbi lokulala, igumbi lokuhlambela, igumbi lokuhlala, okanye indlu yeendwendwe, nokuba zicinyiwe okanye azifakwanga embaneni. Le mithetho isebenza nakwiindawo ezisetyenziswa ngumntu wonke nakwiindawo ezisetyenziswa nangabanye abantu zeendawo ezingamagumbi okulala (umz: igumbi lokuhlala).
    • Kwiindawo ezithile zaseJapan ezineLayisensi Yeshishini Lehotele, ababuki zindwendwe basenokwalathiswa ngumthetho obekiweyo ukuba babe nekhamera ejonge indawo yokungena ngaphakathi yekhaya kuphela. Iindwendwe zimele zichazelwe ngezi khamera, ibe ezo khamera azivumelekanga ukuba zijonge naziphi na iindawo ezingaphandle kwendawo yokungena kwaye azivumelekanga ukuba zirekhode isandi.
  • Ababuki Zindwendwe abavumelekanga ukuba babeke iikhamera nezixhobo zokurekhoda kwiindawo ezingaphandle zendlu apho abantu abazisebenzisayo belindele ukuba zifihlakale ngakumbi, njengangaphakathi kwishawa engaphandle evaliweyo okanye kwi-sauna.
  • Ababuki Zindwendwe bavumelekile ukuba babe neekhamera zangaphandle nezixhobo zokurekhoda, kwaye kufuneka baqinisekise ukuba indawo ezikuyo ichaziwe kwingcaciso yendlu (umz: “Ndinekhamera eyadini yam yangaphambili,” “Ndinekhamera phezulu everandeni yam,” “Ndinekhamera phezu kwepuli yam” okanye “Ndinekhamera yentsimbi yomnyango ejonge umnyango wam wangaphambili nepaseji yesakhiwo sam seflethi.”)
  • Ababuki Zindwendwe kumakhaya kufuneka bachaze iikhamera nezixhobo zokurekhoda eziphantsi kweliso labo, njengezisepasejini yesakhiwo sabo seflethi okanye eziphezu kweyadi yabo.

Izixhobo ezijonga izinga lengxolo

  • Izixhobo ezijonga izinga lengxolo zizixhobo ezijonga amanqanaba esandi nexesha esenziwa ngalo kodwa ezingasirekhodiyo isandi.
  • Ababuki Zindwendwe bavumelekile ukuba babe nezixhobo zokujonga izinga lengxolo ngaphakathi endlini logama nje umbuki Zindwendwe echaza ukuba zikhona ibe zingekho kwigumbi lokulala, kwigumbi lokuhlambela okanye kwiindawo zokulala. Ababuki zindwendwe akunyanzelekanga ukuba bachaze ukuba zibekwe phi izixhobo ezijonga izinga lengxolo.

Izixhobo zeteknoloji zokulawula ikhaya

  • Izixhobo zeteknoloji zokulawula ikhaya zizixhobo eziqhakamshelana zize zisebenzisane nezinye izixhobo okanye iinethiwekhi, zifana noAlexa ka-Amazon noNest kaGoogle.
  • Ababuki zindwendwe kumakhaya bavumelekile ukuba babe nezixhobo zeteknoloji zokulawula ikhaya.
  • Ababuki zindwendwe kumakhaya bayakhuthazwa, kodwa abanyanzelwa, ukuba bazichaze ukuba zikhona kwindlu yabo. Sikwakhuthaza ababuki zindwendwe ukuba benze iindwendwe zikwazi ukukhupha okanye ukuvala izixhobo zeteknoloji zokulawula ikhaya.

Chaza ikhamera yakho yokhuseleko okanye izixhobo zakho zokurekhoda

Chaza izixhobo zokurekhoda kwikhompyutha

  1. Yiya kwindawo ethi Izindlu uze ukhethe indlu ofuna ukuyilungisa
  2. Kwindawo ethi Indawo yokulungisa indlu, cofa kwindawo ethi Indawo yakho
  3. Cofa kwindawo ethi Ukhuseleko londwendwe
  4. Cofa kwindawo ethi Izixhobo zokhuseleko, uze ucofe kwindawo ethi Iikhamera zokhuseleko okanye izixhobo zokurekhoda ilizwi ezikhoyo
  5. Cofa kwindawo ethi Faka iinkcukacha uze uchaze isixhobo ngasinye, indawo esikuyo (umz: “Ndinekhamera eyadini yam yangaphambili”), nokuba siza kube silayitiwe okanye sicinyiwe na
  6. Cofa kwindawo ethi Qhubeka uze ucofe kwindawo ethi Gcina

Chaza izixhobo zakho zokuhlola izinga lengxolo

Chaza izixhobo zakho zokujonga izinga lengxolo kwinto yakho enokubhukishwa kwikhompyutha

  1. Cofa kwindawo ethi Izindlu uze ukhethe indlu ofuna ukuyilungisa
  2. Kwindawo ethi Indawo yokulungisa indlu, cofa kwindawo ethi Indawo yakho
  3. Cofa kwindawo ethi Ukhuseleko londwendwe
  4. Cofa kwindawo ethi Izixhobo zokhuseleko, uze ucofe kwindawo ethi Iikhamera zokhuseleko okanye izixhobo zokurekhoda ilizwi ezikhoyo
  5. Cofa kwindawo ethi Izixhobo ezijonga izinga lengxolo uze emva koko ucofe ethi Gcina
Eli nqaku likuncedile?

Amanqaku asondele kweli

Ngena kwiakhawunti okanye uvule iakhawunti
Fumana uncedo ngokubhukisha kwakho, ngeakhawunti yakho, nangokunye.
Ngena kwiakhawunti okanye uvule iakhawunti