Indlela uAirbnb awukhangela ngayo umngcipheko weepati

Ipolisi yethu Yokuphazamiseka Intsapho icacile ukuba iindibano eziphazamisayo azamkelekanga kuAirbnb. Nangona sisazi ukuba uninzi lweendwendwe ezikuAirbnb ngabamelwane nabahambi abahloniphekileyo, kubalulekile ekuzibopheleleni kwethu kwintsapho yethu Yababuki Zindwendwe-kunye neengingqi ezizibiza ngokuba likhaya-ukuba sikhuthaza uhambo olunenkathalo.

Isizathu sokuba uAirbnb acinge ukuba wenza itheko

Sinamanyathelo okunceda ukubona nokuthintela ukubhukisha okunokuba nomngcipheko omkhulu wokhuseleko nokonakaliswa kwendlu, njengeepati ezingavumelekanga. Xa iindwendwe zika-Airbnb kuAirbnb zizama ukubhukisha, inkqubo yethu yokuhlola ukubhukisha isebenzisa imiqondiso ukuze kugqitywe enoba ukubhukisha kusenokuba nomngcipheko omkhulu na kwezi ntlobo zeziganeko.

Indlela uAirbnb ahlole ngayo ukuba akukho mntu uza kuba nepati

Sisebenzisa iinkqubo ezizenzekelayo ukuze sihlole isicelo sokubhukisha, sijonge izinto ezibonisa ukuba ukubhukisha kusenokubeka ipati ephezulu, ukhuseleko lomntu okanye umngcipheko wokonakaliswa kwendlu. Olu hlolisiso lusekelwe kwizinto ezahlukahlukeneyo, nenkcazelo evela kwimithombo eyahlukeneyo, efana neyondwendwe, Umbuki Zindwendwe nabanye abantu. Ezi zinto zisenokuquka izinto ezinento yokwenza nexesha lokubhukisha, ukubhukisha kwangaphambili, imbali ka-Airbnb yondwendwe, iimpawu zendlu (umz: igumbi lokulala xa kuthelekiswa nendlu yonke), nokuba ukuhlolwa kwemiyalezo oyifumeneyo noyithumeleyo kubonisa umngcipheko na. Olu hlolo lwenziwa ngokuzenzekelayo lubangela enye yezi ziphumo zilandelayo:

1. Isicelo sokubhukisha siza kuvunyelwa ukuba siqhubeke.
2. Ukubhukisha kuyakhutshwa ngokuzenzekelayo ibe undwendwe luyakhokelwa kwenye indlu okanye olunye uhlobo lwendawo yokuhlala (njengegumbi labucala okanye ihotele).
3. Ukubhukisha kuphawulwe ukuze Ababuki Zindwendwe bahlole baze bagqibe enoba bayakwamkela okanye bangakwamkeli na ukubhukisha.
4. Iindwendwe ziyacelwa ukuba ziyamkele ipolisi yethu yomonakalo ngaphambi kokuba zivumeleke ukuba ziqhubeke nesicelo sokubhukisha.
5. Kwezinye iimeko, ukubhukisha kuhlolwa ngumntu, kusetyenziswa izixhobo neenkqubo ezithile kunye noncedo olongezelelekileyo oluvela kwingcali yomngciphelo yomnye umntu. Olu luvo luza kucinga ngezinto ezithile ngokubhukisha okuceliweyo nokubhukisha kwangaphambili, njengezicelo zokubhukisha zakutshanje nokunxibelelana kondwendwe Nababuki Zindwendwe bezinye izindlu. Emva kolu luvo, indawo oyibhukishileyo iza kuvunyelwa ukuba iqhubeke okanye iza kurhoxiswa. Kwiimeko ezithile, iakhawunti ka-Airbnb isenokususwa kwiwebhusayithi (esebenza kubantu abaseMerika, ePuerto Rico, eMerika Virgin Islands, eKhanada, eUK, eMexico, eOstreliya nasePortugal).

Phikisa umqathango womngcipheko womcimbi

Ukuba ucinga ukuba ukubhukisha akuvumelekanga okanye kurhoxiswe ngempazamo, nceda uqhakamshelane nathi.

Ngokunxulumene nenkcazelo yobuqu esiyisebenzisayo njengenxalenye yokuhlola isicelo sakho sokubhukisha, nceda ujonge Ipolisi yethu Engezinto Eziyimfihlo ukuze ufumane inkcazelo engakumbi ngendlela esiyisingatha ngayo inkcazelo yakho yobuqu namalungelo akho.