E-Uttarakhand

Xa ugqiba ekubeni Ngumbuki Zindwendwe wakwa-Airbnb, kubalulekile ukuba uqonde imithetho yePhondo lakho. Njengewebhusayithi nendawo yentengiso, asinikezeli ngamacebiso ezomthetho, kodwa sifuna ukukunika inkcazelo eluncedo enokukunceda uyiqonde bhetele imithetho nemimiselo yokubuka iindwendwe eUttarakhand. Olu ludwe aluphelelanga ibe akufunekanga luthathwe njengamacebiso ezomthetho, kodwa lufanele lukwenze uqale kakuhle ekuqondeni imithetho yasekuhlaleni. Ukuba unemibuzo, nceda uqhakamshelane neUttarakhand Tourism Development Board (UTDP), ezinye iiarhente zikaRhulumente ngqo, okanye uqhagamshelane negqwetha lasekuhlaleni.

Izinto zokuqala kuqala — ufanele ufumane ukubhaliswa okufunekayo neemvume ngaphambi kokuba ufake indlu kuAirbnb.

Iihotele, ii-motel, iiflethi ze-timeshare, iindawo zokuhlala nesidlo sakusasa, ii-lodge, ii-resort, izindlu zeendwendwe, i-dhamshalas, izindlu ezibhatala iindwendwe, ii-ashram, izindlu zokuphumla zabakhenkethi, iikharaveni zemoto, ikoloni yentente/inkampu yendalo, kunye nezikhephe zokuhamba/zendlu: Ukuba uceba ukufaka naziphi na kwezi zinto zingasentla kuAirbnb, uze uqinisekise ukuba ufumene ukubhaliswa okufunekayo kunye neemvume zokusebenzisa le ndawo phantsi Kwemithetho Yokubhalisa Yezoshishino Yezokhenketho Nezohambo, 2014 (Imithetho Yezokhenketho Nezohambo). Ababoneleli ngeendawo zokuhlala banokungena kwiwebhusayithi ye-Uttarakhand Tourism Travel Trade Registration ukuze bafake izicelo ezintsha okanye ezihlaziyiweyo. Unako nokuhlola izikhokelo ezidwelisa izinto ezifunekayo (njengezakhiwo, njl.) ukuze ubhalise iihotele, ii-motels, ii-resort, izindlu zokuphumla zeendwendwe/zabakhenkethi, i-dharamshalas, njl., njl., ezongeza kwizinto ekufuneka zenziwe phantsi Kwemithetho Yezokhenketho Nezohambo. Ungajonga nemibuzo edla ngokubuzwa ngeTravel Trade okanye uye kwiwebhusayithi ye-UTDP ukuze ufumane iinkcukacha ezingakumbi.

Iindawo zokuhlala: Imithetho Yeendawo Zokuhlala Zondwendwe Uttarakhand (Homestay), 2015 (Imithetho Yezindlu) inikezela ngokubhaliswa okunyanzelekileyo kweendawo zokuhlala eUttarakhand. Ababuki zindwendwe banokufaka izicelo zabo zokubhalisa kwiGosa Lophuhliso Lokhenketho Lesithili sesithili esichaphazelekayo. Kungenjalo, ababuki zindwendwe banokungena kwiwebhusayithi Yokubhalisa ye-Uttarakhand Tourism Homestay evumela ukubhalisa kwi-intanethi nokuhlaziywa kokubhalisa kwiindawo zokuhlala.

Imithetho Yendlu idwelisa izinto eziliqela ezifunwa ngababoneleli ngeendawo zokuhlala. Ngokomzekelo, ukuba uzimisele ukufaka indawo yokuhlala, kufuneka uqinisekise ukuba yindawo yokuhlala ngokupheleleyo kwaye umnikazi wayo, kunye nentsapho yakhe, uhlala kuyo. Njengenxalenye Yemithetho Yezindlu, kufuneka:

• Qinisekisa ukuba ubuninzi bamagumbi amathandathu (aneebhedi ezingadluli kwezine kwigumbi ngalinye) zikhutshwa kwiindwendwe kungakhathaliseki ukuba zingakanani indawo yokuhlala
• Qinisekisa ukuba igumbi ngalinye linegumbi lokuhlambela elinezinto ezaneleyo zokucoceka, ezilungele ukuhlala iindwendwe kwindawo yokuhlala, ngalo lonke ixesha
• Gcina ingxelo eneenkcukacha zazo zonke iindwendwe zasekhaya nezangaphandle ezifikayo zize zithumele le nkcazelo kwabasemagunyeni bamapolisa asekuhlaleni abachaphazelekayo nakwiOfisi Yophuhliso Lwezokhenketho Yesithili ngaphambi komhla we-5 wenyanga nganye.

Ukuze wazi okungakumbi, ungabhekisela nakwimibuzo edla ngokubuzwa kwiHomestay nakwiwebhusayithi yeUDP.

Ababuki Zindwendwe bakwa-Airbnb bamele baqinisekise ukuba zonke iilayisensi zabo zoshishino nezorhwebo zisexesheni ibe zihlaziywa kwangethuba.