Tista' wkoll taqra dal-artiklu bl-Ispanjol jew bl-Ingliż.
Dal-artiklu jagħti ħarsa ġenerali lejn il-liġijiet u r-regolamenti reġjonali li jistgħu jolqtu lill-Hosts ġewwa Murcia. Minbarra dal-liġijiet, il-muniċipalitajiet jafu jkunu approvaw xi regoli u/jew restrizzjonijiet marbuta mat-tqassim tal-art li jistgħu jolqtu lill-attività tiegħek. Jeħtieġlek tiżgura li timxi mal-liġijiet u r-regolamenti li jistgħu jgħoddu għaċ-ċirkostanzi u l-post speċifiċi tiegħek.
Nissuġġerulek tagħmel ir-riċerka tiegħek għax dal-artiklu mhux komplut u ma jistax jitqies bħala parir legali jew fiskali. Barra minn hekk, peress li ma naġġornawx dan l-artiklu f' ħin reali, jekk jogħġbok iċċekkja kull sors u ara li l-informazzjoni mogħtija ma nbidlitx dan l-aħħar. Ikseb parir legali u/jew fiskali għall-każ tiegħek.
Il-Gvern Reġjonali ta' Murcia għandu regoli speċifiċi għall-akkomodazzjonijiet għat-turisti. Skont id-Digriet reġjonali dwar is-suġġett, "akkomodazzjonijiet għat-turisti" huma dawk il-propjetajiet li jitħallew temporanjament lil partijiet terzi għal skopijiet ta' turiżmu, mgħammra u attrezzati biex ikunu jistgħu jintużaw minnufih, irreklamati jew imħeġġa permezz ta' mezzi għat-turisti, bi ħlas u fuq bażi regolari. Ir-rekwiżit ta' bażi regolari se jitqies li jkun hemm (1) meta l-propjetà tiġi rriklamata jew promossa fuq il-mezzi tat-turiżmu; u (2) il-propjetà tiġi mikrija darbtejn (2) jew aktar fl-istess sena, jew darba (1) f'sena iżda ripetutament.
L-akkomodazzjonijiet għat-turisti fir-Reġjun ta' Murcia jistgħu jiġu offruti jew bħala post sħiħ (unità waħda) jew bħala kmamar, jiġifieri t-tnejn huma soġġetti għar-rekwiżiti tal-obbligu speċifikati hawn taħt.
F'Murcia jeħtieġlek tirreġistra kull post fejn toqgħod li beħsiebek toffri bħala akkomodazzjoni għat-turisti fir-reġistru tat-Turiżmu ta' Murcia. Bħala parti mill-proċess, l-ewwel trid tibgħat dikjarazzjoni ta' responsabbiltà lid-Direttorat Ġenerali għat-Turiżmu li tiddikjara li qed timxi mar-regolamenti attwali u kull rekwiżit ieħor previst fil-livelli reġjonali u lokali.
Wara li tlesti l-proċess tar-reġistrazzjoni, l-akkomodazzjoni turistika tiegħek se tingħata numru tar-reġistrazzjoni (Eżempju: VV.MU.0000-0000).
Biex tilqa' n-nies ġewwa Spanja, jaf jeħtieġlek tikseb numru ta' reġistrazzjoni nazzjonali mir-Reġistru tal-Propjetà u turih meta ttella' l-propjetajiet tiegħek fuq Airbnb. Aqra dal-artiklu għal iktar informazzjoni dwar l-obbligi tar-reġistrazzjoni nazzjonali u suġġetti oħra marbuta ma' dal-qasam.
Ir-Reġjun ta' Murcia jesiġi li turi n-numru tar-reġistrazzjoni tiegħek u l-kundizzjonijiet tal-politika tal-bookings fuq kull forma ta' riklam għall-akkomodazzjonijiet għat-turisti tiegħek, inkluż dak ta' Airbnb. Hemm qasam fejn tista' ddaħħal in-numru tar-reġistrazzjoni tiegħek fit-taqsima tad-dettalji tal-Listing .
Biex issir taf iktar dwar ir-regoli għall-akkomodazzjoni għat-turisti ta' Murcia u kif jistgħu jolqtu lilek jew lill-propjetà tiegħek, tista' tikkuntattja lill-Istitut tat-Turiżmu ta' Murcia.
Aħna nimpenjaw ruħna li naħdmu mal-awtoritajiet tal-post biex nagħmlu r-regoli marbuta mal-ekonomija kollaborattiva iktar ċari u biex ngħinhom jifhmu l-benefiċċji li Airbnb iġġib magħha għall-komunità tagħna. Kull meta jkun meħtieġ, se nkomplu nħarsu kull bidla li tagħti lill-individwi l-possibbiltà li jikru d-djar tagħhom.