Tista' taqra dal-artiklu bl-Ispanjol jew bl-Ingliż.
Dal-artiklu jagħti ħarsa ġenerali lejn il-liġijiet u r-regolamenti reġjonali li jistgħu jolqtu lill-Hosts ġewwa Minorca. Minbarra dal-liġijiet, il-muniċipalitajiet jafu jkunu approvaw xi regoli u/jew restrizzjonijiet marbuta mat-tqassim tal-art li jistgħu jolqtu lill-attività tiegħek. Jeħtieġlek tiżgura li timxi mal-liġijiet u r-regolamenti li jistgħu jgħoddu għall-każ u l-post tiegħek.
Nissuġġerulek tagħmel ir-riċerka tiegħek għax dal-artiklu mhux komplut u ma jistax jitqies bħala parir legali jew fiskali. Barra minn hekk, peress li ma naġġornawx dan l-artiklu f' ħin reali, jekk jogħġbok iċċekkja kull sors u ara li l-informazzjoni mogħtija ma nbidlitx dan l-aħħar. Ikseb parir legali u/jew fiskali għall-każ tiegħek.
Il-Gvern Reġjonali tal-Gżejjer Baleariċi għandu regoli partikolari għall-akkomodazzjonijiet għat-turisti. Skont il-liġi tat-turiżmu tagħha, "akkomodazzjoni għat-turisti" ("estancias turísticas en viviendas") hija dik mikrija għal żmien qasir. L-akkomodazzjoni turistika titqies li qed tintuża għal skopijiet kummerċjali meta tkun disponibbli biex tintuża minnufih u ma jkun hemm l-ebda prova li l-iskop tagħha mhuwiex it-turiżmu.
L-akkomodazzjonijiet għat-turisti fil-Gżejjer Baleariċi għandhom jiġu offruti bħala post sħiħ (unità waħda).
L-akkomodazzjonijiet għat-turisti kollha mikrija għal 30 jum jew inqas għandhom jimxu mar-regoli u l-obbligi tar-regolament imsemmi hawn fuq. Inkella se jitqies bħala tip ta' akkomodazzjoni ieħor, bħal "post għall-kiri skont iż-żmien tas-sena".
Barra minn hekk, il-Gżejjer Baleariċi jippermettu l-kiri tar-residenza ewlenija meta jsir minn persuna privata u għal mhux iktar minn 60 jum fis-sena. Jekk jogħġbok żomm f'moħħok ir-regoli u r-rekwiżiti tal-post fejn se tkun qed tikri.
F'Menorca jeħtieġlek tirreġistra l-post fejn toqgħod mat-turiżmu ta' Menorca. Bħala parti mill-proċess, l-ewwel trid tibgħat dikjarazzjoni ta' responsabbiltà (DRIAT) lid-Direttorat Ġenerali għat-Turiżmu biex tiddikjara li qed timxi mar-regolamenti fis-seħħ u kull rekwiżit ieħor marbut mal-livelli reġjonali u lokali. Meta tagħmel hekk, jekk jogħġbok żomm f'moħħok li xi żoni ġew iddikjarati mhux tajbin biex jintużaw għall-kummerċjalizzazzjoni tal-akkomodazzjoni għat-turisti fil-livell lokali.
Wara li tlesti l-proċess tar-reġistrazzjoni, l-akkomodazzjoni turistika tiegħek se tingħata numru tar-reġistrazzjoni (Eżempju: VTV547ME).
Biex issir taf iktar dwar ir-rekwiżiti, l-obbligi u kull tema oħra li jistgħu jolqtuk bħala Host, tista' taqra l- Mistoqsijiet Komuni maħruġa mill-Gvern ta' Minorca.
Biex tilqa' n-nies ġewwa Spanja, jaf jeħtieġlek tikseb numru ta' reġistrazzjoni nazzjonali mir-Reġistru tal-Propjetà u turih meta ttella' l-propjetajiet tiegħek fuq Airbnb.
Aqra dal-artiklu għal iktar informazzjoni dwar l-obbligi tar-reġistrazzjoni nazzjonali u suġġetti oħra marbuta ma' dal-qasam.
Menorca teħtieġ li turi n-numru tar-reġistrazzjoni tiegħek u l-kundizzjonijiet tal-politika tal-bookings fuq kull forma ta' riklam għall-akkomodazzjonijiet għat-turisti tiegħek, inkluż dak ta' Airbnb. Hemm qasam li tista' tuża biex tinkludi n-numru tar-reġistrazzjoni tiegħek fit-taqsima tad-dettalji tal-Listing .
Jekk tixtieq tkun taf iktar dwar ir-regoli għall-akkomodazzjoni għat-turisti ġewwa Minorca u kif jistgħu jolqtu lilek jew lill-propjetà tiegħek, tista' tikkuntattja lis-Servizz għar-Regolazzjoni tat-Turiżmu ta' Minorca.
Aħna nimpenjaw ruħna li naħdmu mal-awtoritajiet tal-post biex nagħmlu r-regoli marbuta mal-ekonomija kollaborattiva iktar ċari u biex ngħinhom jifhmu l-benefiċċji li Airbnb iġġib magħha għall-komunità tagħna. Kull meta jkun meħtieġ, se nkomplu nħarsu kull bidla li tagħti lill-individwi l-possibbiltà li jikru d-djar tagħhom.